Авто замын хашлага буюу бордюрын маргаан нийгмийг шуугиулсаар хүйтэнтэй золгох нь. Нийслэл хотод 2024 онд зам засварын 87 ажлын төсөв батлагдаж төлөвлөгдсөнөөс 27 нь хийгдээд байгаа гэв. Хүйтрэхээс өмнө үлдсэн ажлуудаа хийх гэсэн ч иргэд хэл ам хийгээд байгаа тул энэ жилдээ зогсооё гэж ээ. Энэ ажлууд зогсвол нийслэлчүүдэд л хохиролтой.
Иргэдийн тавьсан шаардлага, шүүмжлэл бол тэс өөр юм. Тэр маш сайн ойлгож байгаа ч албаар мушгин гуйвуулж, хясан боогдуулсан үйлдэл мэт харагдаж байна
Зам засахад стандартын дагуу бордюрыг заавал өндөрсгөж солих ёстой гэнэ. Сольж болно.
Гэхдээ “зах зээлийн үнээс 4-5 дахин нугалсан өндөр үнээр шахсан,
хавар сольсон бордюр аа намар дахин сольсон,
солихгүйгээр хэдэн жил болж болох бордюрыг заавал солих,
Бордюр солих нэрээр зүгээр байгаа авто замын хөвөө болон явган хүний замыг эвдэж дахин төсөв үрж байна” зэрэг олон зүйл дээр иргэд баримт сэлт дэлгэн шүүмжилж нийгмийг хамарсан асуудал болж байна.
Гэтэл иргэдийнхээ санал шүүмжлэлийн хариуд та нар дуугүй байхгүй бол авто зам засварын ажлыг зогсооно гэж шантаажлах хэлбэрийн санал асуулгыг Нийслэлийн засаг дарга Х.Нямбаатар явуулж эхэлжээ.
Нийслэл хотод тулгамдаж буй асуудал тоймгүй их.
Үүнийг эрэмбэлж жагсаавал:
– Агаарын бохирдол /Эрүүл мэнд, хорт хавдар…/
-Цахилгаан эрчим хүчний даац, нөөц, чадамж, хараат байдал
-Сайжруулсан түлш / олон амь угаартаж эрсэдсээр/
-Эмнэлэг, Сургууль, цэцэрлэгийн хүртээмж
-Хөрсний бохирдол. /дэд бүтэц/
-Авто замын түгжрэл /Хөгжлийн хурд, ажлын бүтээмж, цаг хугацаа, эдийн засгийн чимээгүй дайсан/
-Гүүрэн болон нүхэн гарцууд
-Авто машин, явган хүн, дугуйн замууд / шинээр тавих, засах, БОРДЮР бус ус зайлуулах шугамын цогц систем /
-Үер / далан, голын урсцыг хааж баригдсан барилгууд, газар олголт/
…
..
51. АВТО ЗАМЫН ХУУЧИН ХАШЛАГА /БОРДЮР/-ЫГ СОЛИХ.
Товчхондоо нэн тулгамдсан бус ажлыг хэт өндөр төсвөөр хийж байгаад чинь иргэд шүүмжилж, бухимдаж байна. Түүнээс зам засах аа боль гээгүй…
Leave a comment